ممبئی (نیشنل ٹائمز) بھارت کے نامور لکھاری اور شاعر جاوید اختر کے صاحبزادے اداکارفرحان اختر اب ہالی وڈ میں بھی نظر آئیں گے۔ بھارتی میڈیا رپورٹس میں دعویٰ کیا گیا ہے فرحان اختر نے ہالی وڈ سائنس فکشن سپر ہیرو فلمیں بنانے والے ادارے مارول اسٹوڈیو کے ساتھ ایک روجیکٹ سائن کیا ہے جب کہ اداکار اس وقت فلم کی شوٹنگ کے سلسلے میں انٹرنیشنل کاسٹ اور عملے کے ہمراہ تھائی لینڈ کے دارالحکومت بینکاک میں موجود ہیں۔رپورٹ میں کہا گیا ہے فلم اور شوٹنگ کے حوالے سے مزید معلومات کو فی الحال خفیہ رکھا گیا ہے۔