اسلام آباد (نیشنل ٹائمز):سعودی عرب نے پاکستانی طلبہ کے لئے 25 جامعات میں وظائف کا اعلان کیا ہے۔ پاکستانی طلبہ و طالبات متعلقہ یونیورسٹی کی ویب سائٹ پر درخواست دے سکتے ہیں۔رپورٹس کے مطابق یہ اسکالرشپس (وظائف) پولیٹیکل سائنس، قانون، ایجوکیشن، ایڈمنسٹریشن، معاشیات، انجینئرنگ، کمپیوٹر سائنس، ایگریکلچر، عربی/اسلامک اسٹڈیز اور میڈیا سائنس میں دی جارہی ہیں۔اسکالرشپ کے لیے درخواست گزار کا تعلق پاکستان یا پاکستان کے زیر انتظام کشمیر سے ہونا چاہیے۔ 75 فیصد اسکالرشپس پاکستان سے طالب علموں جبکہ 25 فیصد سعودی عرب میں مقیم پاکستانی طلبہ کو دی جائیں گی۔