اسلام آباد(نیشنل ٹائمز)ترجمان دفتر خارجہ زاہد حفیظ چوہدری کے مطابق جرمن وزیر خارجہ ہیکو ماس کی دعوت پر وزیر خارجہ مخدوم شاہ محمود قریشی (گیارہ سے تیرہ اپریل) دو روزہ جرمنی کے دورہ پر روانہ ہوں گے۔ان کا کہنا تھاکہ وزیر خارجہ شاہ محمود قریشی جرمن ہم منصب کے ساتھ وفود کی سطح پر مذاکرات کریں گے ْ۔وزیر خارجہ، جرمنی میں اہم شخصیات سے ملاقاتیں بھی کریں گے جن میںدوطرفہ مزاکرات میں تجارت، سرمایہ کاری، صحت، سیکیورٹی، دفاع تعلیم اور سیاحت کے شعبوں میں دو طرفہ تعاون کے حوالے سے بات چیت ہوگی ۔اس سال پاکستان اور جرمنی کے مابین، سفارتی تعلقات کے ستر سال مکمل ہورہے ہیں۔اس حوالے سے مختلف تقاریب بھی منعقد ہوں گی۔جرمنی یورپی یونین میں پاکستان کا سب سے بڑا تجارتی شراکت دار ہے۔جرمنی میں ایک لاکھ سے زائد پاکستانی مقیم ہیں ۔وزیر خارجہ کا یہ دورہ اعلیٰ سطحی روابط کے تسلسل کی ایک کڑی ہے۔ جرمن وزیر خارجہ نے مارچ 2019میں پاکستان کا دورہ کیا تھا ۔