---

اسلام آباد (نیشنل ٹائمز)حکومت نے دہشت گردی کے واقعات میں ہلاک چینی باشندوں کیلئے بعد از مرگ ’تمغہ پاکستان‘ کا اعلان کردیا۔وزیر اعظم کی ایڈوائس پر صدر نے چینی باشندوں کو بعد از مرگ اعزاز دینےکی منظوری دی، یہ چینی باشندے 26 اپریل کو کراچی میں دہشت گردی کا نشانہ بنے تھے۔چینی اساتذہ جامعہ کراچی کے اندر خودکش دھماکے میں ہلاک ہوئے تھے۔ کنفیوشس انسٹی ٹیوٹ کراچی کے ڈائریکٹر ہوآنگ گیوپھنگ، دِنگ موفانگ اور چِن سائی کیلئے اعزازکی منظوری دی گئی ہے۔اعلامیے کے مطابق چینی باشندوں کو پاک چین دوستی کیلئے عظیم خدمات کے اعتراف پر اعزازات دیے گئے۔