اسلام آباد (نیشنل ٹائمز) اسلام آباد ہائی کورٹ نے پاکستانی شہریت چھوڑنے والی خاتون کی دوبارہ پاکستانی شہریت لینے کی درخواست کومسترد کرتے ہوئے تفصیلی فیصلہ جار ی کردیا۔نجی ٹی وی کے مطابق اسلام آبادہائی کورٹ کے جسٹس میاں گل حسن اورنگزیب نے6صفحات پرمشتمل تفصیلی فیصلہ جاری کیا ہے جس کے مطابق ثمینہ نازنے2004میں بھارتی شہری سے شادی کرکے پاکستانی شہریت سرنڈرکی، خاتون کوپاکستانی شہریت سرنڈرکرنے پربھارتی شہریت کے کاغذات جاری کیے گئے،ثمینہ ناز 2018 میں وزٹ ویزے پر بچوں سمیت واپس پاکستان آئی جس کے بعد انہوں نے بچوں کوپاکستان میں غیرملکی طالبعلم کادرجہ ملنے پردوبارہ شہریت کی درخواست دی لیکن امیگریشن حکام نے خاتون کو پہلے بھارتی شہریت چھوڑنے کی ہدایات کی جو کو ایک درست اقدام ہے۔ اسلام آباد ہائی کورٹ نے اپنے فیصلے میں لکھا کہ ثمینہ نازکوبھارتی شہریت سرنڈرکرنے تک پاکستانی شہریت نہیں مل سکتی، وہ ان کے بچے نئے شہری کے طورپرہی پاکستانی شہریت لے سکتے ہیں۔