اسلام آباد(نیشنل ٹائمز)برطانیہ میں اپوزیشن لیڈر سر کیئر اسٹارمر نے کہا ہے کہ حکمران جماعت کے پاس عوامی مسائل کا کوئی حل نہیں۔لیبر پارٹی کے رہنما سر کیئر اسٹارمر کا کہنا ہے کہ منقسم کنزرویٹو پارٹی بورس جانسن کا سہارا بنی ہوئی ہے۔ لیبر پارٹی مہنگائی، سیاست اور عوام کے اعتماد کی بحالی کے لئے متحد ہے۔ لیبر پارٹی ہی ملک کو دوبارہ صحیح راستے پر واپس لاسکتی ہے۔انہوں نے کہا کہ منقسم کنزرویٹو پارٹی یا متحد لیبر پارٹی، کس کا انتخاب ہونا چاہیے، یہ واضح ہے۔دوسری جانب کنزرویٹو رکن پارلیمنٹ نے وزیر اعظم بورس جانسن پر تنقید کرتے ہوئے کہا کہ پارٹی قیادت نہ بدلی تو اگلا الیکشن نہیں جیت سکیں گے۔واضح رہے کہ 59 فیصد کنزرویٹو اراکین پارلیمنٹ نے بورس جانسن پر اعتماد جبکہ 41 فیصد نے عدم اعتماد کیا۔ 2018 میں اس وقت کی وزیراعظم ٹریزامے کے خلاف عدم اعتماد کی تحریک پر 63 فیصد نے ان کے حق میں فیصلہ دیا تھا، تاہم وہ چند ماہ بعد ہی مستعفی ہونے پر مجبور ہوگئیں تھیں۔