تہران (نیشنل ٹائمز) ایران کے سپریم لیڈر آیت اللہ علی خامنہ ای نے تصدیق کی ہے کہ ایران نے جوابی کارروائی کرتے ہوئے یونان کے 2آئل ٹینکر ز کا تیل قبضے میں لے لیا۔ گزشتہ ماہ امریکہ نے یونان کے قریب سے ایرانی آئل ٹینکر قبضے میں لیا تھا جس کے جواب میں اسی ہفتے ایران نے کارروائی کرتے ہوئے یونان کے 2 آئل ٹینکرز کا تیل قبضے میں لے لیا۔
سپریم لیڈر کے مطابق یہ کارروائی ہیلی کاپٹرز کے ذریعے کی گئی۔ایرانی انقلاب کے روحِ رواں آیت اللہ خمینی کی برسی کے موقع پر اپنے 80منٹ طویل خطاب میں ایرانی سپریم لیڈر نے کہا کہ انہوں نے یونان کے ساحل سے ایران کا تیل چرایا، پھر ہمارے موت سے بے خوف بہادر جوانوں نے دشمن کا آئل ٹینکر قبضے میں لے لیا۔
