اسلام آباد(نیشنل ٹائمز)وزیر خارجہ شاہ محمود قریشی کا کہنا ہے کہ ہم نے روس کی تیار کردہ سپوٹنک 5 ویکسین کو پاکستان میں رجسٹرڈ کیا ہے اس ویکسین کے اچھے نتائج سامنے آ رہے ہیں ۔مخدوم شاہ محمود قریشی کا مزید کہنا تھا کہ روس صحت کی سہولیات کے حوالے سے ایک ایڈوانس ملک ہے ۔ پاکستان، روس کے اشتراک سے اس ویکسین کی مقامی سطح تیاری کے پہلوؤں غور کر رہے ہیں۔جبکہ روسی وزیر خارجہ نے بتایا کہ ہم نے پاکستان کو پچاس ہزار ڈوزز مہیا کی ہیں مزید ایک لاکھ پچاس ہزار ڈوزز فراہم کرنے کا ارادہ رکھتے ہیں ۔اس حوالے سے روسی وزیر خارجہ نے مزید کہا کہ ہم کرونا ویکسین کے حوالے سے پاکستان کے ساتھ تعاون جاری رکھیں گے۔ شاہ محمود قریشی نے کہا کہ ہمارے درمیان وفود کی سطح پر مذاکرات میں دو طرفہ تجارت کو بڑھانے کی ضرورت پر زور دیا گیا۔ ہم دو طرفہ تجارت کے حجم میں اضافے کے خواہشمند ہیں ۔روسی وزیر خارجہ نے پاکستان کے ساتھ نارتھ ساؤتھ گیس منصوبے کے جلد انعقاد کی خواہش کا بھی اظہار کر دیا۔