اسلام آباد ( نیشنل ٹائمز)ہم کسی جنرل کے جوتے نہیں اُٹھا سکتے، کسی جنرل اور عدالت سے نہیں ڈرتا، یہ بات جمشید دستی نے کی جس کی ویڈیو سماجی رابطے کی ویب سائٹ ٹوئٹر پر وائرل ہے، سوشل میڈیا پر جمشید دستی کا ہیش ٹیگ ٹاپ ٹرینڈ بن گیا ہے۔وائرل ہونے والی ویڈیو میں جمشید دستی نے کہا کہ ہم عوام کی خدمت کر رہے ہیں،غریب مزدوروں کے بچوں کیلئے بھیک مانگ رہے ہیں، جمشید دستی کا کہنا تھا کہ ہم تو غریب لوگ ہیں، ہم غریبوں کے ہی جوتے اٹھا سکتے ہیں،ہم کسی جنرل کے جوتے نہیں اٹھا سکتے،وہ بڑے جوتے ہیں،وہ بڑے لوگ اٹھا سکتے ہیں۔ان کا کہنا تھا کہ ہم ضرور بولیں گے نہ میں کسی جنرل سے ڈرتا ہوں نہ سپریم کورٹ سے ڈرتا ہوں میں صرف اللہ کی ذات سے ڈرتا ہوں، ملک کی بقاء کیلئے جب موقع ملا بولیں گے۔
ہم کسی جنرل کے جوتے نہیں اُٹھا سکتے، کسی جنرل اور عدالت سے نہیں ڈرتا، جمشید دستی کی ویڈیو وائرل
