اسلام آباد (نیشنل ٹائمز)اداکارہ اور نامور ٹیلی ویژن شو کی مشہور میزبان سمی گریوال نے انکشاف کیا ہے کہ وہ سابق وزیراعظم پاکستان عمران خان کو 40 سال سے جانتی ہیں ۔انہوں نے کہا کہ عمران خان کی ناکامی کی بہت سے وجوہات ہوسکتی ہیں لیکن کرپشن ان میں سے ایک کبھی نہیں ہوسکتی۔ عمران خان کو قومی اسمبلی میں عدم اعتماد کے ووٹ کے ذریعے برطرف کردیا گیا ہے۔ سمی گریوال نے عمران خان کی برطرفی سے متعلق ٹوئٹ کیے ہیں، انہوں نے کہا کہ مشترکہ اپوزیشن ایک مقبول وزیر اعظم کو برطرف کر سکتی ہے۔ سیاست میں آئیڈیلسٹ کے لیے کوئی جگہ نہیں ہے۔2006 میں عمران خان کا انٹرویو کرنے والی سمی گریوال نے کہا کہ میں مران خان کو 40 برس سے جانتی ہوں، ان کی شخصیت آئیڈیلزم کا مرکز ہے۔انہوں نے لکھا کہ ’عمران خان کی ناکامیوں کی کئی وجوہات ہو سکتی ہیں ، لیکن کرپشن ان میں سے ایک نہیں ہے۔‘یہ پہلی مرتبہ نہیں ہے کہ سمی گریوال نے عمران خان کی حمایت میں ٹوئٹس کیے ہوں، اس سے قبل عمران خان کے عہدہ سنبھالنے پر بھی مبارکباد کا پیغام جاری کیا ہے۔