اسلام آباد(نیشنل ٹائمز)حکمراں جماعت پاکستان تحریکِ انصاف (پی ٹی آئی) کے اسلام آباد جلسے میں جانے کے لیے لاہور سے نکلنے والے قافلے موٹر وے پر پہنچ گئے۔پی ٹی آئی لندن کے صدر میاں وحید کا کہنا ہے کہ اسلام آباد کے جلسے میں شرکت کے لیے لندن سے آئے ہیں۔وزیرِ صحت پنجاب ڈاکٹر یاسمین راشد بھی کارکنوں سمیت اسلام آباد روانہ ہوئی ہیں۔یاسمین راشد 3 ہزار کارکنوں کے ہمراہ روانہاسلام آباد کے H9 پارک میں JUI کے کارکنوں کا پڑاؤ، ناشتہاس موقع پر میڈیا سے گفتگو کرتے ہوئے ڈاکٹر یاسمین راشد نے کہا کہ 3 ہزار کارکنوں کے ہمراہ اسلام آباد جا رہے ہیں۔انہوں نے کہا کہ ہم پاکستان کو ہر مشکل سے نکالیں گے، تحریکِ عدم اعتماد کے حوالے سے ہمیں کوئی مسئلہ نہیں۔وزیرِ صحت پنجاب نے مزید کہا کہ ہم وزیرِ اعظم عمران خان کو بتانا چاہتے ہیں کہ دیکھیں ہم سب آپ کے ساتھ موجود ہیں۔ڈاکٹر یاسمین راشد کا یہ بھی کہنا ہے کہ کل یہ اپوزیشن کے لوگ اسمبلی گئے تو 153 افراد تھے، جبکہ تحریکِ عدم اعتماد کے لیے 172 افراد چاہئیں۔PTI کا آج، JUI کا کل جلسہحکومتی جماعت تحریکِ انصاف اسلام آباد کے پریڈ گراؤنڈ میں آج جلسہ کرے گی جبکہ جے یو آئی ایف نے سیکٹر ایچ نائن میں کل جلسہ کرنے کا اعلان کیا ہے۔