اسلام آباد(نیشنل ٹائمز) :اپوزیشن جماعت مسلم لیگ (ن) کے نائب صدر اور اپوزیشن لیڈر پنجاب اسمبلی حمزہ شہباز کی تحریک انصاف کے جہانگیر ترین گروپ سے ملاقات کی اندرونی کہانی سامنے آگئی۔علیم خان خود آئے اور 4 گھنٹے بھی مستحکم نہ رہ سکے، اسحاق خاکوانیذرائع کے مطابق ترین گروپ نے ن لیگی وفد سے سیاسی مستقبل پر گفتگو کی اور کہا کہ ذہنی طور پر حکومت سے علیحدگی کے لیے تیار ہیں۔دوران ملاقات ترین گروپ نے حمزہ شہباز سے مطالبہ کیا کہ ہمیں آئندہ انتخابات میں ٹکٹوں کی یقین دہانی کرائی جائے۔ذرائع کے مطابق ترین گروپ نے ن لیگی وفد کو بتایا کہ ملاقات کی تفصیل سے جہانگیر ترین کو آگاہ کریں گے، وہ جو بھی فیصلہ کریں گے وہ ہمیں منظور ہوگا۔حمزہ شہباز سے گفتگو کے دوران ترین گروپ نے کہا کہ مائنس عثمان بزدار پر ہم آپ کے ساتھ ہیں اور چاہتے ہیں کہ یہ تعاون طویل ہوناچاہیے۔ذرائع کے مطابق ترین گروپ نے ن لیگی وفد کے روبرو کہا کہ عوامی مسائل کے باعث حکومتی ارکان کا حلقوں میں جانا مشکل ہے۔حمزہ شہباز نے دوران گفتگو کہا کہ آپ کے جذبات پارٹی قیادت کے سامنے رکھیں گے، پنجاب سے متعلق سب سے مل کر بہتر فیصلے کریں گے۔