اسلام آباد(نیشنل ٹائمز)تحریک عدم اعتماد پر کس کا ساتھ د یا جائے؟ ق لیگ کی پارلیمانی پارٹی کی بیٹھک جاری ہے۔اسلام آباد میں ق لیگ کی پارلیمانی پارٹی کا اجلاس پارٹی قائد چوہدری شجاعت حسین اور چوہدری پرویز الہٰی کی زیر صدارت جاری ہے۔ق لیگ کے اجلاس میں اپوزیشن جماعتوں کی وزیراعظم عمران خان کے خلاف تحریک عدم اعتماد سے متعلق تبادلہ خیال کیا جارہا ہے۔اس اجلاس میں ق لیگی قیادت حکومت یا اپوزیشن میں سے کس کا ساتھ دے گی؟ اس حوالے سے حتمی فیصلہ کیا جائے گا۔اس سے قبل ق لیگ کی قیادت کو منانے کے لیے وزیراعظم عمران خان کے نمائندہ خصوصی علامہ طاہر اشرفی نے چوہدری شجاعت حسین سے ملاقات کی ہے۔