اسلام آباد(نیوز ڈیسک)لاہور میں کورونا ایس او پیز کی خلاف ورزی پر 83 مقدمات درج کرلیے، چوالیس مقدمات ماسک نہ پہننے پر درج کیے گئے۔سی سی پی او لاہور کا کہنا ہے کہ شہریوں کے تحفظ کے لیے حکومتی ہدایات پر سختی سے عمل درآمد کرایا جائے گا۔لاہور میں کورونا وائرس بری طرح پھیل گیا ہے، شہر میں کورونا مثبت کیسز کی شرح تئیس فی صد تک پہنچنے کے بعد شہر میں مکمل لاک ڈاؤن کی تجویز زیرغور ہے۔لاہور میں 131 کورونا سے متاثر مریض آئی سی یو میں ہیں، جب کہ پنجاب بھر میں یہ تعداد 214 ہے۔وزیر اعلیٰ پنجاب عثمان بزدار کی معاون خصوصی ڈاکٹر فردوس عاشق اعوان نے کہا ہے کہ لاہور میں اسمارٹ لاک ڈاؤن کے مثبت نتائج سامنے نہیں آئے۔فردوس عاشق اعوان نے پنجاب میں ماسک پہننا لازمی قرار دیتے ہوئے کہا ہے کہ ماسک نہ پہننے والوں کے خلاف کارروائی کی جائیگی۔