اسلام آباد(نیشنل ٹائمز)کورونا ایس اوپیز میں نرمی کے بعد مسجد الحرام اور مسجد نبوی ﷺ میں نمازیوں کی تعداد میں اضافہ ہو گیا ہے۔عرب میڈیا رپورٹس کے مطابق تقریباً 10 لاکھ سے زائد نمازیوں نے مکہ مکرمہ اور مسجد نبوی ﷺ میں نماز جمعہ بغیر سماجی فاصلے کے ادا کی۔رپورٹ کے مطابق کورونا پابندیوں کے خاتمے کے بعد پاکستان سمیت دنیا بھر سے تقریباً 2 لاکھ سے زائد معتمرین سعودی عرب پہنچے۔خیال رہے کہ دنیا بھر میں کورونا کیسز بڑھنے کے باعث سعودی حکومت نے حج اور عمرے کے لیے زائرین کی تعداد انتہائی محدود کر دی تھی جبکہ مساجد میں بھی نمازیوں کی تعداد کو کم کر دیا گیا تھا۔
کورونا ایس او پیز میں نرمی، مسجد الحرمین میں 10 لاکھ سے زائد نمازیوں نے نماز جمعہ ادا کی
