اسلام آباد(نیشنل ٹائمز)پاکستان پیپلز پارٹی (پی پی پی) کے شریک چیئرمین، سابق صدر آصف علی زرداری، مسلم لیگ ن کے صدر، قومی اسمبلی میں قائدِ حزبِ اختلاف میاں شہباز شریف اور پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمٰن آج مشترکہ پریس کانفرنس کریں گے۔ذرائع کے مطابق آصف علی زرداری، میاں شہباز شریف اور مولانا فضل الرحمٰن آج ساڑھے 3 بجے پریس کانفرنس کریں گے۔ذرائع کا یہ بھی کہنا ہے کہ تینوں رہنما میڈیا سے اہم گفتگو وفاقی دارالحکومت اسلام آباد میں کریں گے۔ن لیگ، PDM آج PPP کے مارچ میں شریک ہونگیادھر پاکستان پیپلز پارٹی کا کراچی سے نکلنے والا عوامی لانگ مارچ اسلام آباد پہنچ چکا ہے۔پاکستان پیپلز پارٹی کے عوامی لانگ مارچ میں پی ڈی ایم اور ن لیگ کی جانب سے بھی آج شرکت کا فیصلہ کیا گیا ہے۔تحریکِ عدم اعتماد آج پیش کرنے کا فیصلہدوسری جانب مسلم لیگ ن کے پارلیمانی پارٹی اجلاس میں قومی اسمبلی میں وزیرِ اعظم عمران خان کے خلاف تحریکِ عدم اعتماد آج پیش کرنے کا فیصلہ بھی کر لیا گیا۔اس حوالے سے شہباز شریف کا کہنا ہے کہ تحریکِ عدم اعتماد موو کر رہے ہیں، حکومت کو تاریخی شکست ہو گی۔