اسلام آباد(نیشنل ٹائمز)پاکستان شوبز انڈسٹری کے نئے اُبھرتے ہوئے نوجوان اداکار اور نعمان اعجاز کے زاویار نے کنزیٰ ہاشمی سے متعلق پوسٹ شیئر کرکے مداحوں کو تشویش میں مبتلا کردیا۔زاویار نے فوٹو اینڈ ویڈیو شیئرنگ ایپ انسٹاگرام کی اسٹوری میں ایک تصویر شیئر کی جس میں کنزیٰ ہاشمی اسپتال میں موجود بیڈ پر لیٹی ہوئی ہیں جبکہ اُن کے ہاتھ پر ڈرپ بھی لگی ہوئی ہے۔اُنہوں نے اپنی انسٹا اسٹوری میں لکھا کہ میری دوست کنزیٰ ہاشمی کے لیے دُعا کریں، ان کے ساتھ کچھ نہیں بس یہ تھوڑی پاگل ہیں۔دوسری جانب کنزیٰ ہاشمی نے مداحوں کی کشمکش دور کرنے کے لیے زاویار کی اسٹوری اپنے انسٹا اکاؤنٹ پر شیئر کی۔کنزیٰ ہاشمی نے مزاحیہ انداز میں لکھا کہ جب آپ زاویار کے ساتھ کام کریں تو یہ ہوتا ہے۔اداکارہ نے بتایا کہ وہ بالکل ٹھیک ہیں اور یہ تصویر اُن کے نئے ڈرامہ سیریل کے سیٹ کی ہے۔