اسلام آباد(نیشنل ٹائمز)حکومت الیکٹرانک ووٹنگ مشین سے متعلق اتحادی جماعتوں کے تحفظات دور کرنے کے لیے تیار ہوگئی۔اس ضمن میں دونوں کے اہم وفود کی ملاقات آج ہوں گی۔حکومت نے آئندہ انتخابات میں الیکٹرانک ووٹنگ مشین کے معاملے پر اتحادی جماعتوں کے تحفظات دور کرنے کا فیصلہ کیا ہے جس کے لیے اتحادی جماعتوں اور حکومت کے وفود کے درمیان اہم ملاقات آج طے پاگئی ہے۔ اتحادی جماعتوں کو ای وی ایم اور انتخابی اصلاحات ہر بریفنگ دی جائے گی جب کہ حکومتی وفد اتحادی جماعتوں کے دیگر تحفظات بھی دور کرے گا۔