اسلام آباد (نیشنل ٹائمز)وفاقی وزیر برائے توانائی حماد اظہر نے بجلی کے ترسیلی نظام میں 111 ارب روپے کی بڑی سرمایہ کاری کا اعلان کرتے ہوئے کہاہے کہ سرمایہ کاری آئندہ 3 سال میں این ٹی ڈی سی کے زریعے کی جائے گی۔ اپنے بیان میں حماد اظہر نے کہاکہ بجلی کے ترسیلی نظام میں 111 ارب روپے کی بڑی سرمایہ کاری کی جائے گی،سرمایہ کاری آئندہ 3 سال میں این ٹی ڈی سی کے زریعے کی جائے گی۔ وفاقی وزیر نے کہاکہ سرمایہ کاری کے بعد قومی گرڈ سے بجلی کی ترسیلی صلاحیت میں اضافہ ہوگا، قومی گرڈکی بجلی ترسیلی صلاحیت 2023 میں 28 ہزار 750 میگاواٹ ہوجائے گی۔ وفاقی وزیر نے کہا کہ قومی گرڈ کی بجلی ترسیلی صلاحیت 2024 میں 31 ہزار 500 میگاواٹ تک بڑھ جائے گی،سال 2018 میں بجلی کی ترسیلی صلاحیت 20 ہزار 811 میگاواٹ تھی۔