اسلام آباد(نیشنل ٹائمز)حکومت اور آئی ایم ایف کے درمیان مذاکرات جاری، پیپلزپارٹی نےحکومت سے آئی ایم ایف کی شرائط سے متعلق پارلیمان کو اعتماد میں لینے کا مطالبہ کر دیا۔۔اس موقع پر سید نئیر حسین بخاری کا کہنا تھا کہ اخباروں کے ذریعے معلوم ہو رہا ہے کہ وزیر خزانہ شوکت ترین آئی ایم ایف سے مذاکرات کے لئے واشنگٹن روانہ ہوگئے ہیں۔سیاسی جماعتیں اور پارلیمان بے خبر ہے کہ آئی ایم ایف سے کن شرائط پر مذاکرات کئے جا رہے ہیں۔ان کا مزید کہنا تھا کہ پیٹرول، گیس اور بجلی کی قیمتوں میں اضافے کے بعد آئی ایم ایف کی مزید شرائط کو قبول کرنا مہنگائی کے سونامی کو دعوت دینے کے مترادف ہوگا۔آئی ایم ایف سے مذاکرات سے ملک میں مزید مہنگائی اور بدحالی کا خدشہ ہے۔آئی ایم ایف سے مذاکرات سے قبل پارلیمان کو اعتماد میں لیا جائے۔
مہنگائی اور بدحالی کا خدشہ ، آئی ایم ایف سے مذاکرات سے قبل پارلیمان کو اعتماد میں لیا جائے، سید نئیر حسین بخاری کا حکومت سے مطالبہ
