اسلام آباد(نیشنل ٹائمز)وزیراعظم عمران خان نے کہا ہے کہ اتوار کو میں ماہ ربیع الاول کو بھرپور منانے کا آغاز کروں گا۔ وزیراعظم عمران خان نے سماجی رابطے کی ویب سائٹ ٹویٹر پر لکھا کہ میں اپنے نوجوانوں کے لیے ایک خصوصی اعلان بھی کروں گا۔ دوسری طرف وزیراعظم عمران خان اتوار کو سیرت النبی کانفرنس سے خطاب کریں گے، سیرت النبی کی مرکزی تقریب اسلام آباد میں ہوگی، وزیراعظم کا خطاب چاروں صوبوں میں ویڈیو لنک پر دکھایاجائے گا۔وزیراعظم کا لاہور میں خطاب گورنر ہاؤس میں دکھایا جائے گا، وزیراعلی عثمان بزدار، صوبائی وزرا پارٹی رہنما بھی تقریب میں شریک ہوں گے۔ تقریب دو بجے ہوگی، دیگر صوبوں میں سیرت النبی کانفرنس سے وزیراعظم کاخطاب دکھانے کےانتظامات کیے گئے ہیں۔