کراچی(نیشنل ٹائمز) برصغیر کے مشہور کامیڈین عمر شریف رخصت ہوئے، وہ گزشتہ دنوں ائیر ایمبولینس کے ذریعے امریکہ کے لئے روانہ ہوئے تھے، تاہم طویل سفر کی وجہ سے طبیعت ناساز ھوئی، اور جرمنی میں علاج کے لیے رکے تھے، جرمن حکومت نے خصوصی طور پر پندرہ دن کا ویزہ جاری کیا تھا،تاہم طبیعت سنبھل نہ سکی اور وہ جرمنی میں ہی 2 اکتوبر کو انتقال کر گئے۔ عمر شریف جن کا نام، محمد عمر تھا، مگر عمر شریف کے نام سے مشہور ہوئے، 1955،ء میں لیاقت آباد کراچی میں پیدا ہوئے، 14 سال کی عمر میں اداکاری سے پیشہ ورانہ زندگی کا آغاز کر دیا، اسٹیج، ریڈیو ڈرامہ، فلم اور تھیٹر میں ایک منفرد مقام حاصل کر لیا، وہ برصغیر کے نامور کامیڈین کہلائے، عمر شریف بیک وقت کامیڈین، اداکار، پروڈیوسر، ڈائریکٹر ، شاعر اور سماجی ورکر بھی تھے، چہروں پر مسکراہٹیں بکھیرنے والے، آج 66 سال کی عمر میں انتقال کر گئے، حکومت پاکستان نے علاج کے لیے خصوصی انتظامات کیے مگر زندگی وفا نہ کر سکی، ان کی اہلیہ زریں غزل ان کے ہمراہ تھیں۔ بلاشبہ ان کا خلا پر نہیں ھو سکتا، ایسے لوگ اپنے کام کی وجہ سے ھمیشہ زندہ رہتے ہیں،عمر شریف مسکراہٹوں، قہقوں اور اداس چہروں پر خوشیاں لانے والے کی صورت میں ھمیشہ زندہ رہیں گے۔
طلوعِ خورشید