اسلام آباد (نیوز ڈیسک) دنیا بھر میں 350 ملین سے زائد افراد کو مختلف کورونا ویکسین لگائی جا چکی ہیں۔خیبر ایجنسی کے مطابق برطانیہ میں پھیلنے والی کورونا وائرس کی قسم کے کیسز اٹلی میں بڑھنے لگے، اٹلی کے تین تہائی حصے میں آج سے 6 اپریل تک کورونا پابندیاں نافذ کردی گئیں۔بین الاقوامی میڈیا رپورٹس کے مطابق روم اور میلان سمیت مختلف حصوں میں اسکولز، ریستوران، دکانیں اور میوزیم بند کردیے گئے۔خبرایجنسی کے مطابق فرانس کے پیرس ریجن میں کورونا وائرس کے مریضوں کی تعداد بڑھنے پر اسپتالوں پر دباؤ بڑھ گیا۔ دوسری جانب نیویارک میں کورونا وائرس سے مرنے والوں کی یاد میں یادگاری تقریب ہوئی، نیویارک کے بروکلین برج پر کورونا وائرس سے مرنے والوں کی تصویریں دکھائی گئیں۔
دنیا بھر میں 350 ملین سے زائد افراد کو کورونا ویکسین لگ گئی
