ڈیرہ غازی خان/اسلام آباد(نیشنل ٹائمز) پاکستان پیپلز پارٹی کے چیئرمین بلاول بھٹو زرداری ڈیرہ غازی خان میں خیابان سرور میں شہید شاعر محسن نقوی کی آبائی رہائش گاہ گئے اورشہید محسن نقوی کے صاحبزادے اسد عباس نقوی سےان کے والد کے انتقال پر اور شہید محسن نقوی کے چچا زاد بھائی ظفر عباس نقوی سے ان کے صاحبزادے سید خضر عباس نقوی کے انتقال پر اظہار تعزیت کیا اور مرحومین کے ایصال ثواب کے لئے فاتحہ خوانی اور لواحقین کے صبر جمیل کی دعا کی اور کہا کہ شہید محسن نقوی کی عوامی شاعری آج بھی سب کی زبان پر ہے، شہید محسن نقوی کا کلام اردو ادب کا ایک اہم سرمایہ ہے، چیئرمین بلاول بھٹو زرداری نے کہا کہ شہید محسن نقوی نے ظالموں کو اپنی شاعری میں للکارا، ایوب آمریت سے لے کر ضیا آمریت تک شہید محسن نقوی ہر دور میں وقت کے فرعونوں کو للکارتے رہے۔