بیجنگ (شِنہوا) کمیونسٹ پارٹی آف چائنہ (سی پی سی) کے انضباطی معائنے سے متعلق مرکزی کمیشن (سی سی ڈی آئی) کی قائمہ کمیٹی نے اجلاس منعقد کیا جس میں سی پی سی کی 20 ویں مرکزی کمیٹی کے 5 ویں عمومی اجلاس کے رہنما اصولوں کا مطالعہ کیا گیا۔ سی سی ڈی آئی انسداد بدعنوانی کا چین کا اعلیٰ ترین ادارہ ہے۔سی پی سی کی مرکزی کمیٹی کے سیاسی بیورو کی قائمہ کمیٹی کے رکن اور سی سی ڈی آئی کے سیکرٹری لی شی نے اجلاس کی صدارت کی۔ انہوں نے نظم و ضبط کے معائنے اور نگرانی کے اداروں پر زور دیا کہ وہ عمومی اجلاس کے رہنما اصولوں کا گہرائی سے مطالعہ کریں اور ان پر عملدرآمد یقینی بنائیں۔لی شی نے زور دیا کہ نظم و ضبط کے معائنے اور نگرانی کے کام کی اعلیٰ معیار کی ترقی کو فروغ دینے کے لئے بلند تر معیارات اور مزید ٹھوس اقدامات اختیار کئے جائیں۔ اس کے ساتھ ساتھ پارٹی کے سخت اور مکمل خود حکمرانی کو ہر لحاظ سے برقرار رکھا جائے تاکہ چینی جدیدیت کے ذریعے ایک عظیم ملک کی تعمیر اور قومی احیا کو تمام شعبوں میں آگے بڑھانے کے لئے مضبوط ضمانت فراہم کی جا سکے۔عمومی اجلاس میں منظور کی گئی پارٹی کے سخت اور مکمل خود حکمرانی کو برقرار رکھنے سے متعلق قرارداد کا ذکر کرتے ہوئے لی شی نے کہا کہ یہ نئے دور میں پارٹی کی تعمیر کے عظیم منصوبے کو مسلسل آگے بڑھانے کے لئے ایک بنیادی رہنما دستاویز ہے۔ انہوں نے اس کے اصولوں کو مکمل، درست اور جامع طور پر سمجھنے کی ضرورت پر زور دیا۔سی پی سی کی 20 ویں مرکزی کمیٹی کا 5 واں عمومی اجلاس رواں ہفتے پیر سے جمعرات تک منعقد ہوا۔