لاہور(نیشنل ٹائمز)سیشن عدالت نے سائبر کرائم کیس میں پیش نہ ہونے پر اداکارہ عائشہ ثناء کے ناقابل ضمانت وارنٹ گرفتاری جاری کر دیئے۔ایڈیشنل سیشن جج سید علی عباس نے کیس پر سماعت کی۔ادکارہ عائشہ ثناء کے خلاف ایف آئی اے سائبر کرائمز سرکل نے مقدمہ درج کر رکھاہے۔ عائشہ ثنا ء پر شہری یوسف بیگ مرزا کی فیملی کو بدنام کرنے کا الزام ہے۔ مدعی نے موقف اختیار کیا ہے کہ ادکارہ عائشہ ثنا ء نے میری بیوی اور بیٹی کی نازیبا تصاویر سوشل میڈیا پر شیئر کیں۔مدعی کی جانب سے مزید کہنا تھا کہ عائشہ ثنا ء نےایک ویب سائٹ پر بھی میری بیوی اور بیٹی کیخلاف مواد اپ لوڈ کیا جس سے میری فیملی کی بدنامی ہوئی۔ عائشہ ثنا ء کیخلاف کیس کا ٹرائل شروع ہو چکا ہے، سماعت کیلئے عدالت نے اداکارہ کو طلب کر رکھا تھا مگر وہ پیش نہ ہوئی جس پر عدالت نے ناقابل ضمانت وارنٹ گرفتاری جاری کر دیئے ۔