بیجنگ (شِنہوا)چینی مین لینڈ کی ایک ترجمان نے تائیوان رہنما لائی چھنگ تے کو علیحدگی پسندانہ سوچ پر قائم رہنے، محاذ آرائی کو ہوا دینے اور آبنائے تائیوان کے امن و استحکام کو نقصان پہنچانے پر تنقید کا نشانہ بنایا۔
ریاستی کونسل کے امور تائیوان دفتر کی ترجمان ژانگ ہان نے یہ بات تائپے میں اسی روز لائی کی جانب سے کی گئی تقریر کے بارے میں میڈیا کے ایک سوال کے جواب میں کہی۔
ژانگ نے کہا کہ لائی کی تقریر میں حقائق کو نظرانداز کیا گیا، درست اور غلط کو مسخ کیا گیا، عوام کو گمراہ کیا گیا اور اس کے پیچھے مذموم مقاصد کارفرما تھے۔ انہوں نے اس تقریر کو لائی کے خود ساختہ مئوقف، یعنی “تائیوان کی آزادی کے لیے عملی طور پر کام کرنے والے” کا ایک واضح مظاہرہ قرار دیا۔
ژانگ نے کہا کہ لائی نے اپنی تقریر میں چینی مین لینڈ کی جانب سے مبینہ خطرے کو بڑھا چڑھا کر پیش کیا اور “جمہوریت بمقابلہ آمرانہ نظام” کے گمراہ کن بیانیے کو فروغ دیا۔
ترجمان نے مزید کہا کہ لائی فوجی طاقت میں اضافے اور بیرونی قوتوں پر انحصار کے ذریعے “تائیوان کی آزادی” کے حصول کی کوشش کر رہے ہیں۔