اسلام آباد(نیشنل ٹائمز)پاکستان نےحوثی عسکریت پسندوں کی جانب سے سعودی عرب کے ابھا بین الاقوامی ہوائی اڈے پر حملے کی شدید مذمت کرتا ہے،جسے اتحادی افواج نے روک لیا۔ بدقسمتی سے اس واقعہ میں متعدد افراد زخمی اور ایک شہری طیارے کو نقصان پہنچا۔منگل کو ترجمان دفتر خارجہ نے حملے کی شدید مذمت کرتے ہوئے اس واقعے میں زخمی ہونے والوں کی جلد صحت یابی کی خواہش کی ہے اور ان حملوں کو فوری طور پر روکنے کا مطالبہ کیا ہے،جو بین الاقوامی قوانین کی خلاف ورزی اور سعودی عرب سمیت خطے کے امن و سلامتی کے لئے خطرہ ہیں۔ترجمان کا کہنا ہے کہ پاکستان اپنی خودمختاری اور علاقائی سالمیت کے لئے کسی بھی خطرے کے خلاف برادر ملک سعودی عرب کے ساتھ مکمل یکجہتی کا اعادہ کرتا ہے۔