واشنگٹن(نیشنل ٹائمز)امریکی صدر ڈونلڈ ٹرمپ کے نومبر میں ہونیوالے امریکی وسط مدتی انتخابات سے قبل ایران پر حملہ نہ کرنے کے بیان کے بعد عالمی منڈی میں  خام تیل کی قیمتوں میں کمی ریکارڈ کی گئی ہے ، جمعرات کو نمایاں اضافے کے ایک روز بعد برینٹ اور امریکی خام تیل دونوں سستے ہوگئے ۔ برطانوی خبر رساں ادارے رائٹرز کے مطابق گزشتہ روز دوپہر کے بعد برینٹ خام تیل کے مستقبل کے سودوں کی قیمت تقریباً 1.1 فیصد (ایک ڈالر 10 سینٹ )کمی کے بعد 103.18 ڈالر فی بیرل ہوگئی۔اسی طرح عالمی معیار کا امریکی ویسٹ ٹیکساس انٹرمیڈیٹ (ڈبلیو ٹی آئی)خام تیل کی قیمت بھی 49 سینٹ یعنی 0.5 فیصد کم ہونے کے بعد 91 ڈالر فی بیرل پر آگئی ہے ۔