ویانا (شِنہوا) پٹرولیم برآمد کرنے والے ممالک کی تنظیم (اوپیک) اور اس کے اتحادی، جنہیں اوپیک پلس کہا جاتا ہے، نے نومبر میں مسلسل دوسرے ماہ تیل کی پیداوار کی موجودہ سطح برقرار رکھنے کا اعلان کیا ہے۔
یہ فیصلہ اوپیک پلس کے رکن ممالک کے ورچوئل اجلاس میں کیا گیا، جس میں سعودی عرب، روس، عراق، کویت، قازقستان، الجزائر اور عمان سمیت دیگر ممالک نے شرکت کی۔ اجلاس میں عالمی منڈی کی صورتحال اور معاشی امکانات کا جائزہ لیا گیا۔
بیان میں کہا گیا کہ “سات شریک ممالک نے نومبر 2026 کے لئے ستمبر 2026 کی مقررہ پیداوار برقرار رکھنے کا فیصلہ کیا ہے۔”
اوپیک پلس کے ان سات ممالک نے رواں سال اپریل سے ستمبر تک ہر ماہ تیل کی پیداوار میں اضافہ کیا تھا۔ اکتوبر میں ان سات ممالک نے تیل کی پیداوار میں اضافے کا سلسلہ روک دیا تھا۔
اوپیک نے کہا کہ یہ سات ممالک یکم نومبر کو دوبارہ اجلاس کریں گے، جس میں مارکیٹ کی صورتحال کا جائزہ لینے کے ساتھ مزید فیصلے کئے جائیں گے۔