پیرس(اے ایف پی) ایران میں حکومت مخالف مظاہروں میں شرکت کے الزام میں جڑواں بہنوں کو سخت سزائیں سنادی گئیں۔
انسانی حقوق کی تنظیم کے مطابق 21 سالہ ترانہ رحیمی کو ‘‘خدا سے جنگ’’ کے الزام میں سزائے موت جبکہ اس کی جڑواں بہن رومینا کو 36 سال قید کی سزا دی گئی۔ دونوں بہنوں کو جنوری میں اصفہان میں احتجاج کے دوران گرفتار کیا گیا تھا۔ اہل خانہ نے حکام پر دونوں کو تشدد کا نشانہ بنانے اور طبی سہولیات فراہم نہ کرنے کا الزام عائد کیا ہے ۔
