اسلام آباد(نیشنل ٹائمز)مرکزی اطلاعات سیکریٹری پاکستان پیپلزپارٹی پارلیمینٹرینز و رکن قومی اسیمبلی شازیہ عطا مری نے پی ڈی ایم کے کل منقعد ہونے والے جلسے میں خواتین کے آنے پر پابندی عائد کرنے کے فیصلے کی شدید مذمت اور افسوس کا اظہارکیا ہے، انہوں نے کہا کہ جمہوریت صرف مردوں کے لیے نہیں ہے، جمہوریت کی جدوجہد اور حصول میں خواتین کا بڑا اہم کردار رہا ہے ۔ شازیہ مری نے کہا کہ قیام پاکستان سے لیکر اب تک خواتین نے جمہوریت کی جدوجہد میں پیش قدم رہ کر قربانیاں دیں اور محنت کی اور آج پی ڈی ایم کے اعلان سے پاکستان میں موجود جمہوری سوچ رکھنے والے لوگوں کو بہت ٹھیس پہنچی ہے ۔شازیہ مری نے مزید کہا کہ ہمیں یہ امید نہیں تھی کہ پی ڈی ایم اپنے فیصلے اس قدر انتہا پسندی کی طرف لے جائے گی اور مزید کہا کہ پی پی پی عورتوں کی جدوجہد اور انکی محنت و کوشش کو سراتی ہے پیپلزپارٹی پی ڈی ایم کے اس فیصلے پر افسوس کا اظہاراور اسکی مذمت کرتے ہے۔