بیجنگ (شِنہوا) چین کی وزارت تجارت نے جمعرات کو چینی درآمدات پر مزید 7.5 فیصد محصولات عائد کرنے کے امریکی حکومت کے زیر غور منصوبے کی شدید مخالفت کرتے ہوئے کہا ہے کہ یہ اقدام یک طرفہ طرز عمل اور تحفظ پسندی کی ایک واضح مثال ہے، جس کے ذریعے تجارتی معاملات کو سیاسی رنگ دیا جا رہا ہے۔
وزارت تجارت کے ترجمان ہوانگ لنگ نے معمول کی پریس کانفرنس میں کہا کہ امریکہ نے ’’ضرورت سے زیادہ پیداواری صلاحیت‘‘ کے بہانے چین سمیت 16 معیشتوں کے خلاف سیکشن 301 کے تحت تحقیقات شروع کی ہیں۔
انہوں نے کہا کہ چین امریکہ کی جانب سے آئندہ اٹھائے جانے والے کسی بھی اقدام پر کڑی نظر رکھے گا اور جامع جائزہ لے گا، جبکہ اپنے جائز حقوق اور مفادات کے تحفظ کے لئے تمام ضروری اقدامات اٹھانے کا حق محفوظ رکھتا ہے۔