کوہاٹ(نیشنل ٹائمز)وزیراعلیٰ پختونخوا سہیل آفریدی ہنگو کے دورے کے دوران گاڑی کی چھت سے گرنے سے بال بال بچ گئے تاہم سڑک پر اچانک جھٹکا لگنے کے باعث ان کے پیچھے کھڑے رکن صوبائی اسمبلی شاہ تراب خان، وزیر اطلاعات شفیع جان اور سکیورٹی اہلکار اپنا توازن برقرار نہ رکھ سکے ، ایک دوسرے پر جاگرے ۔
یہ واقعہ گزشتہ روز ا س وقت پیش آیا جب وزیراعلیٰ دورہ ہنگو کے دوران ہیلی پیڈ سے روانگی کے بعد دیگر گاڑیوں کے ہمراہ گاڑی کی چھت پر کھڑے تھے ۔واقعے کی ویڈیو بھی سوشل میڈیا پر وائرل ہوگئی ،ویڈیو منظر عام پر آنے کے بعد سوشل میڈیا پر مختلف تبصرے جاری ہیں۔
