ابوظہبی(نیشنل ٹائمز)متحدہ عرب امارات نے ایران کے ساتھ ہر قسم کی تجارت روک دی۔
متحدہ عرب امارات کی وزارت خارجہ نے کہا ہے کہ یہ فیصلہ دونوں ملکوں کے درمیان حالیہ جنگ کے دوران ہونے والی کشیدگی کے پیش نظر کیا گیا، ایران کے ساتھ ہر قسم کے تجارتی، کاروباری اور مالی معاملات تاحکم ثانی معطل رہیں گے۔
اس سے قبل متحدہ عرب امارات کی وزارتِ دفاع نے کہا کہ ایران کی جانب سے متحدہ عرب امارات کی جانب 2 بیلسٹک میزائل داغے گئے۔
وزارتِ دفاع کی جانب سے جاری بیان میں کہا گیا ہے کہ ایک میزائل متحدہ عرب امارات کی سمندری حدود کے اندر جبکہ دوسرا سمندری حدود سے باہر گرا۔
اماراتی وزارت دفاع کے بیان میں مزید کہا گیا تھا کہ متحدہ عرب امارات کسی بھی قسم کے خطرات سے نمٹنے کے لئے پوری طرح تیار ہے۔
