لاہور(نیشنل ٹائمز)جہانگیرترین گروپ کے ایم پی اے خرم لغاری کے خلاف خاتون کو ہراساں اور بلیک میل کرنے کے الزامات کت تحت مقدمہ درج کر لیا گیا،لاہور کے تھانہ ڈیفنس اے میں خاتون کی مدعیت میں درج کئے گئے مقدمہ گھرمیں گھسنے، ہوائی فائرنگ اور دھمکیوں کی دفعات لگائی گئی ہیں ، ایف آئی آر میں خاتون نے الزام عائد کیا کہ ایم پی اے خود کو کنوارہ ظاہر کر کے ناجائز تعلقات پر مجبور کرتارہا ایک سال سے چھپ چھپ کر ملنے پر مجبور کرتا رہا،متاثرہ خاتون کے مطابق خرم لغاری نے زبردستی نکاح نامے پر بھی دستخط کرا رکھے ہیں جب کہ ایم پی اے کے والد چنوں خان لغاری کو بھی شکایت کی جس کی وجہ سے میرے گھر میں گھس کر فائرنگ کی گئی،پولیس کا کہنا ہے کہ مقدمہ درج ہے اور تفتیش انویسٹی گیشن ونگ کرے گا۔