ٹوکیو(نیشنل ٹائمز)جاپان کے مشرقی علاقے چیبا میں شدید بارش اور سیلاب کے باعث 4 افراد ہلاک جبکہ ایک لاپتا ہوگیا۔

عالمی خبر رساں ادارے کے مطابق جاپانی محکمہ موسمیات نے بتایا کہ ٹوکیو کے قریب چیبا میں 24 گھنٹوں کے دوران 367 ملی میٹر بارش ریکارڈ کی گئی جس کے بعد کئی علاقوں میں سیلابی صورتحال پیدا ہوگئی۔شدید بارش سے 25 ہزار سے زائد گھر بجلی سے محروم ہوگئے جبکہ خراب موسم کے باعث 7 ہزار سے زائد مسافر ایئرپورٹس پر ہی پھنس گئے ۔ ٹرینیں منسوخ اور اہم شاہراہیں بند کردی گئیں۔متاثرہ علاقوں میں ہنگامی الرٹ جاری کرتے ہوئے امدادی کارروائیوں کے لیے فوج کی مدد بھی طلب کی گئی ہے ۔ امدادی کاموں کے دوران لاشیں ملنے کا سلسلہ جاری ہے ۔