واشنگٹن(نیشنل ٹائمز)امریکی ریاست ٹیکساس میں فوجی ہیلی کاپٹر گر کر تباہ ہونے سے 2 فوجی اہلکار ہلاک ہوگئے ۔
فوجی اڈے فورٹ ہڈ کی جانب سے جاری بیان کے مطابق اے ایچ 64 ای اپاچی جنگی ہیلی کاپٹر سالاڈو کے علاقے میں حادثے کا شکار ہوا، جس میں سوار دونوں فوجی ہلاک ہوگئے ۔حکام نے حادثے کے وقت ہیلی کاپٹر کی سرگرمی یا مشن سے متعلق تفصیلات جاری نہیں کیں۔ ہلاک ہونیوالے فوجیوں کی شناخت اہلخانہ کو اطلاع دینے کے بعد ظاہر کی جائیگی۔
