برگوس(نیشنل ٹائمز) یورپ میں 27 سال بعد مکمل سورج گرہن کا نایاب نظارہ ہوا۔۔۔

، لاکھوں افراد نے آسمان کی جانب نظریں جما دیں۔ چاند نے سورج کو مکمل طور پر ڈھانپ لیا، جس سے مختصر وقت کیلئے دن رات میں تبدیل ہوگیا۔ گرہن کا سایہ روس کے قطب شمالی سے گزرتا ہوا گرین لینڈ، آئس لینڈ اور سپین تک پہنچا۔ سپین کے دیہات میں سیاحوں کی بڑی تعداد جمع رہی، جبکہ آئس لینڈ کے دارالحکومت ریکیاوک میں 1433 کے بعد پہلی بار مکمل سورج گرہن دیکھا گیا۔ یورپ، کینیڈا، شمالی امریکا اور شمال مغربی افریقا کے کئی علاقوں میں جزوی گرہن بھی دکھائی دیا۔