بیجنگ (شِنہوا) چینی وزارت خارجہ کے ترجمان نے پیر کے روز کہا ہے کہ چین میں غیر قانونی طور پر کام کرنے یا رہائش اختیار کرنے والے 100 سے زائد فلپائنی شہریوں کے خلاف قانون کے مطابق کارروائی کی گئی ہے۔
ترجمان گو جیاکن نے میڈیا کے ایک متعلقہ سوال کا جواب دیتے ہوئے کہا کہ چین کے قومی امیگریشن حکام نے چین میں غیر قانونی طور پر داخل ہونے، رہائش اختیار کرنے یا کام کرنے والے غیر ملکیوں کی نگرانی مضبوط بنانے کے لئے مسلسل کوششیں کی ہیں اور قانون کے مطابق خصوصی کارروائیاں کی ہیں۔
انہوں نے کہا کہ خصوصی کارروائیوں کے دوران چین کے امیگریشن اہلکاروں نے ضابطوں کے مطابق اور مہذب انداز میں فرائض انجام دیئے اور متعلقہ غیر ملکی شہریوں کے حقوق اور مفادات کا تحفظ یقینی بنایا۔
چین کی غیر قانونی طور پر کام کرنے یا رہائش پذیر 100 سے زائد فلپائنی شہریوں کے خلاف کارروائی
