نیویارک (شِنہوا) قدیم چینی مصوری میں موسیقی کی عکاسی کی تلاش کرتی ہوئی ایک نمائش حال ہی میں نیویارک میں شروع ہوئی ہے، جو مہمانوں کو چین کے سونگ عہد (960ء تا 1279ء) کی فنی، ثقافتی اور سماجی زندگی کی جھلک پیش کرتی ہے۔
“دی اَن ہئیرڈ میلوڈی: میوزک ان چائنیز پینٹنگز” کے عنوان سے منعقدہ اس نمائش میں سونگ عہد کی منتخب پینٹنگز پیش کی گئی ہیں، جن میں موسیقی کی محفلوں اور ثقافتی زندگی کی عکاسی کی گئی ہے۔
نمائش کو 3 حصوں میں تقسیم کیا گیا ہے جن میں “موسیقی کے ذریعے ہم آہنگی”، “موسیقی میں نفاست اور شائستگی” اور “عوامی زندگی میں موسیقی” شامل ہیں۔ یہ نمائش شاہی دربار کی تقریبات، اہل علم کی ادبی محفلوں اور روزمرہ زندگی سمیت سونگ دور کے معاشرے میں موسیقی کے کردار کو اجاگر کرتی ہے۔
نمائش میں پیش کئے گئے فن پارے “قدیم چینی مصوری کے جامع مجموعہ” سے منتخب کئے گئے ہیں۔ ثقافتی ورثے کے تحفظ کے اس اہم منصوبے کے تحت چین اور دنیا بھر کے عجائب گھروں اور ثقافتی اداروں میں محفوظ 12 ہزار 400 سے زائد چینی پینٹنگز اور تصویری مجموعوں کو اعلیٰ معیار کے ساتھ دوبارہ محفوظ اور پیش کیا گیا ہے۔