صنعا (شِنہوا) یمن کے مشرقی صوبوں مارب اور حضرموت میں جمعرات کو فوجی تنصیبات پر ہونے والے ڈرون حملوں میں کم از کم 35 سرکاری فوجی ہلاک جبکہ متعدد دیگر زخمی ہوگئے۔
ایک فوجی اہلکار نے نام ظاہر نہ کرنے کی شرط پر شِنہوا کو بتایا کہ حملوں میں دونوں صوبوں میں مختلف مقامات پر واقع فوجی بیرکوں اور چوکیوں کو نشانہ بنایا گیا، جن میں سعودی عرب کی حمایت سے قائم کی گئی نئی یمنی ایمرجنسی فورسز کے اڈے بھی شامل تھے۔
ذرائع کے مطابق زخمیوں میں سے بعض کی حالت تشویشناک ہے، جبکہ ابتدائی اطلاعات کے مطابق بعض حملوں میں بیلسٹک میزائل بھی استعمال کئے گئے۔
دوسری جانب یمنی ایمرجنسی فورسز نے بھی تصدیق کی ہے کہ ان کے کئی فوجی کیمپوں اور یونٹوں، جن میں پہلی ڈویژن کی پوزیشنیں بھی شامل ہیں، پر حملے کئے گئے، جس کے نتیجے میں جانی اور مالی نقصان ہوا۔
ایمرجنسی فورسز کے مطابق یہ حملے حکومتی فورسز کی جانب سے حالیہ دنوں میں علاقے میں سرگرم جرائم پیشہ نیٹ ورکس اور اسمگلنگ گروہوں کے خلاف کارروائیوں کے بعد کئے گئے۔