لاہور(نیشنل ٹائمز)لاہور ہائیکورٹ میں کالعدم تحریک لبیک یا رسول اللہ کے مولانا سعد رضوی کی نظر بندی کیخلاف درخواست پر سماعت ہوئی۔عدالت نے سماعت 6ستمبر تک ملتوی کر دی. عدالت نے سرکاری وکیل کو ہدایت کی کہ وہ اگلی سماعت پر اس حوالے سے دلائل دیں آیا مخصوص مدت کے بعد حکومت پنجاب کو نظر بندی کا اختیار تھا ، مسٹر جسٹس امجد رفیق کے روبرو سپیشل سیکرٹری ہوم پیش ہوئے۔وکیل درخواست گزار نے کہا کہ سعد رضوی کو نظر بندی کے بعد 14 مختلف مقدمات میں ملوث کر دیا گیا ہے، لاہور ہائی کورٹ کے ریویو بورڈ نے بھی نظر بندی میں توسیع کرنے سے انکار کر دیا تھا،درخواست میں وفاقی و صوبائی حکومت.چیف سیکرٹری. ہوم سیکرٹری پنجاب.ائیَ جی پنجاب پولیس. ڈی سی لاہور اور سی سی پی او کو فریق بنایا گیا ہے۔درخواست گزار کی جماعت مکمل مذہبی جماعت ہے جسکا ملکی سیاست سے کوئی تعلق نہیں ہے، درخواست گزار کی جماعت نے فرانس میں گستاخانہ خاکوں پر فرانس کے سفیر کو ملک بدر نہ کرنے پر اسلام آباد دھرنا دینے کا اعلان کیا، حکومت نے سیاسی بنیادوں پر درجنوں رہنمائوں کو گرفتار کر لیا اور نقص امن عامہ کے تحت نظر بند کر دیا،3 ماہ نظر بندی کے بعد درخواست گزار کو لاہور ہائی کورٹ کے ریویو بورڈ کے سامنے پیش کیا گیا مگر ریویو بورڈ نے نظر بندی میں توسیع نہ کی،اب دوبارہ غیر قانونی درخواست گزار کو 3 ایم پی او کے تحت 3 ماہ کے لیے نظر بند کر دیا گیا ہے، جسکی کوئی قانونی حیثیت نہیں ہے،عدالت مولانا سعد رضوی کی نظر بندی کالعدم قرار دے ،عدالت درخواست گزار کو کسی دوسرے کیس میں گرفتار کرنے سے روکے۔تحریک لبیک کے سربراہ حافظ سعد رضوی جو علامہ خادم حسین رضوی کے صاحبزادے ہیں کو 12 اپریل کو اسکیم موڑ چوک لاہورسے گرفتار کیا گیا تھا ،پولیس نے حافظ سعد رضوی کو 16 اپریل کا احتجاج روکنے کے لیے حراست میں لیا کیونکہ حکومت کے ساتھ ان کے مذاکرات ناکام ہوگئے تھے اور فرانسیسی سفیر کو ملک بدر کرنے سے متعلق تحریک لبیک نے اپنے موقف سے پیچھے ہٹنے سے انکار کردیا تھا۔سعد رضوی کی گرفتاری کے بعد ملک بھر میں ہنگامہ آرائی ہوئی، اور حکومت نے تحریک لبیک پر پابندی لگا دی، پابندی کے خلاف تحریک لبیک نے اپیل دائر کی ہے جس پر حکومت فیصلہ دے گی تاحال حافظ سعد جیل میں بند ہیں اور انکی جماعت پر پابندی عائد ہے۔