غزہ(نیشنل ٹائمز) جنگ بندی معاہدے کے باوجود غزہ پر اسرائیلی بمباری رک نہ سکی، گزشتہ 24 گھنٹوں کے دوران کم از کم مزید 7 فلسطینی شہید کر دیے گئے۔
ہسپتال ذرائع کے مطابق غزہ میں اسرائیلی فوج کی کارروائیوں کا سلسلہ تاحال جاری ہے، تازہ فائرنگ کے واقعات اور بمباری کے نتیجے میں کم از کم 7 فلسطینی شہید اور 20 زخمی ہو چکے ہیں۔
عرب میڈیا کے مطابق اسرائیلی فضائی حملوں کے بعد امدادی ٹیمیں ملبے تلے دبے افراد کو نکالنے اور زخمیوں کو قریبی ہسپتالوں منتقل کرنے میں مصروف ہیں۔
اسرائیلی حملوں سے متعدد عمارتوں کو بھی نقصان پہنچا ہے، جبکہ متاثرہ علاقوں میں خوف و ہراس کی فضا قائم ہے۔
