اسٹیٹ بینک آف پاکستان نے گزشتہ سال کے آخری میں ہونے والی بیرونی سرمایہ کاری کے حوالے سے رپورٹ جاری کر دی جس کے مطابق دسمبر 2020 کے ایک ماہ میں 20 کروڑ 24 لاکھ ڈالر کی بیرونی سرمایہ کاری ہوئی۔
رپورٹ کے مطابق 13.48کروڑ ڈالرز کی سرمایہ کاری نجی شعبے میں کی گئی، جب کہ سرکاری شعبے میں6.77کروڑ ڈالرز کی سرماریہ کاری نوٹ کی گئی۔
اسٹیٹ بینک نے بتایا کہ رواں مالی سال21-2020 کی پہلی شہ ماہی میں 51.45کروڑ ڈالر کی سرمایہ کاری ہوئی جو کہ گزشتہ مالی سال کی پہلی شہ ماہی کی نسبت 72فیصد کم ریکارڈ کی گئی۔

اسی مالی سال کی بات کی جائے تو اس میں جولائی کے مہینے سے دسمبر تک سرمایہ کاری کی شرح میں 30 فیصد کمی سے 95 کروڑ ڈالر پر آ گئی۔ سرمایہ داروں نے 6 ماہ کے دوران پاکستان اسٹاک ایکسچینج سے 24 کروڑ ڈالر نکالے۔

جب کہ ان 6 ماہ کے دوران نجی شعبے میں 70.83 کروڑ ڈالر کی سرمایہ کاری ہوئی دوسری جانب سرکاری شعبے سے سرمایہ کاری میں کمی دیکھنے کو ملی جس سے 19.38کروڑ ڈالر کی سرمایہ کاری میں کمی دیکھی گئی۔