تھیسالونیکی(نیشنل ٹائمز)ترکی کے دو شہریوں کو یونان کی سرحد عبور کرنے کی کوشش کے دوران 50 پستول اور بڑی مقدار میں اسلحہ برآمد ہونے پر گرفتار کر لیا گیا۔

پولیس کے مطابق دونوں ملزم بدھ کی شب تھریس کے علاقے میں واقع ایوروس سرحدی گزرگاہ سے دو ٹرکوں میں سفر کر رہے تھے ۔ آگے چلنے والا ٹرک راستہ صاف کرنے کا کردار ادا کر رہا تھا جبکہ اس کے پیچھے آنے والے ٹرک سے 50 پستول اور49اضافی میگزین برآمد کئے گئے ۔ برآمد ہونے والے کسی بھی پستول پر نہ تو تیار کنندہ کمپنی کا نام درج تھا اور نہ ہی کوئی سیریل نمبر موجود تھا، جس کے باعث ان کی شناخت ممکن نہیں ہو سکی۔