بیجنگ (شِنہوا) کمیونسٹ پارٹی آف چائنہ (سی پی سی) کے قیام کی 105 ویں سالگرہ کے موقع پر پیر کی شام بیجنگ میں ایک کنسرٹ کا انعقاد کیا گیا۔
پارٹی اور ریاستی رہنماؤں شی جن پھنگ، لی چھیانگ، ژاؤ لے جی، وانگ ہوننگ، کائی چھی، ڈنگ شوئے شیانگ، لی شی اور ہان ژینگ نے تقریباً 3 ہزار افراد کے ہمراہ “عوام کو اولین ترجیح” کے عنوان سے پیش کیا گیا فن کا مظاہرہ دیکھا۔
بیجنگ کے وسط میں واقع عظیم عوامی ہال میں منعقدہ اس کنسرٹ کے پانچ حصے تھے جن میں انقلابی شہداء کو خراج تحسین پیش کیا گیا، انقلابی جنگوں کے دوران فوجی و شہریوں کی یکجہتی کو یاد کیا گیا اور سوشلسٹ انقلاب و تعمیر کے برسوں کے دوران ہونے والی ترقی کی عکاسی کی گئی۔
فنکاروں نے اصلاحات اور کھلے پن کی پالیسی کے بعد سے چین کا بدلتا منظرنامہ پیش کیا اور نئے دور میں ملک کی شاندار کامیابیوں کو اجاگر کیا۔
تقریب کے اختتام پر حاضرین نے کھڑے ہو کر ’’کمیونسٹ پارٹی کے بغیر، نیا چین نہ ہوتا‘‘ کا ترانہ گایا۔
تقریب میں چین میں کام کرنے والے غیر ملکی ماہرین کے نمائندوں کو بھی مدعو کیا گیا تھا۔