لاس اینجلس (نیشنل ٹائمز) ہالی وڈ اداکارہ 36 سالہ اسکارلٹ جانسن اور ٹی وی میزبان و کامیڈین 39 سالہ کولن جوسٹ کے ہاں پہلے بچے کی پیدائش ہوئی ہے۔کولن جوسٹ اور اسکارلٹ جانسن نے چند سال تک تعلقات میں رہنے کے بعد اکتوبر 2020 میں سادگی سے شادی کی تھی اور جولائی میں ہی یہ خبریں سامنے آئی تھیں کہ ان کے ہاں پہلے بچے کی پیدائش متوقع ہے۔اپنے ہاں پہلے بچے کی متوقع پیدائش کی تصدیق کیے جانے کے چند ہفتوں بعد ہی اب جوڑے کے ہاں بیٹے کی پیدائش ہوگئی۔ اسکارلٹ جانسن کے شوہر کامیڈین کولن جوسٹ نے اپنی انسٹاگرام پوسٹ میں تصدیق کی کہ ان کے ہاں بیٹے کی پیدائش ہوئی ہے۔کولن جوسٹ نے مختصر پوسٹ میں بتایا کہ انہوں نے بیٹے کا نام کوسمو رکھا ہے۔