اسلام آباد(نیشنل ٹائمز)چیف جسٹس پاکستان یحییٰ آفریدی نے ملک بھر کی عدالتوں میں توانائی کی بچت اور کفایت شعاری اقدامات سے متعلق 10مارچ 2026کا نوٹیفکیشن واپس لینے کا حکم دے دیا۔ جاری اعلامیہ کے مطابق متعلقہ نوٹیفکیشن چیف جسٹس کی منظوری سے 15جون 2026 سے موثر طور پر ختم ہو جائے گا، سابقہ نوٹیفکیشن کے تحت کیے گئے انتظامی اقدامات بھی واپس لینے کا فیصلہ کیا گیا ہے ۔ 10 مارچ 2026 کو جاری نوٹیفکیشن کے تحت ملک بھر کی عدالتوں میں بجلی اور دیگر وسائل کی بچت کے لیے نئے اوقات کار نافذ کیے گئے تھے ، جس کے نتیجے میں اسلام آباد ہائیکورٹ سمیت ضلعی عدلیہ میں پیر سے جمعرات تک چار روزہ ورکنگ شیڈول اختیار کیا گیا تھا۔ سپریم کورٹ کے اعلامیے کے مطابق اب مذکورہ انتظامی اقدامات ختم کر دیے گئے ہیں اور عدالتوں کے معمول کے نظام سے متعلق آئندہ لائحہ عمل قواعد کے مطابق طے کیا جائے گا۔ 15 جون 2026ء سے سپریم کورٹ کے تمام امور معمول کے مطابق چلائے جائیں گے ۔