بیجنگ (شِنہوا) چین نے شہریوں کے سول اور سیاسی حقوق کے تحفظ کے نظام کو مزید بہتر بنانے کے عزم کا اظہار کیا ہے۔
چین کی ریاستی کونسل کے انفارمیشن آفس کی جانب سے عالمی انسانی حقوق نظم و نسق فورم 2026 کے افتتاح کے موقع پر جاری کردہ انسانی حقوق کے متعلق چین کے قومی لائحہ عمل (2026-2030) میں آئندہ 5 برسوں کے دوران انسانی حقوق کے تحفظ کے لئے چین کے اقدامات کا خاکہ پیش کیا گیا ہے۔
ایکشن پلان کے مطابق چین پورے عمل پر مبنی عوامی جمہوریت سے متعلق اداروں، معیارات اور طریقہ کار کو مزید بہتر بنائے گا، سیاسی امور میں عوام کی منظم اور بامقصد شرکت کو وسعت دے گا اور اس بات کو یقینی بنائے گا کہ عوام قانون کے مطابق جمہوری انتخابات، مشاورت، فیصلہ سازی، انتظامی امور اور نگرانی کے عمل میں حصہ لے سکیں۔
منصوبے میں کہا گیا ہے کہ چین قانون کے تحت عوام کے وسیع حقوق اور آزادیوں کی ضمانت فراہم کرے گا، انسانی حقوق کے قانونی تحفظ کو مضبوط بنائے گا اور اس امر کو یقینی بنائے گا کہ انسانی حقوق کا احترام اور تحفظ قانون سازی، قانون نافذ کرنے، عدالتی عمل اور قانون پر عملدرآمد کے تمام مراحل اور تمام پہلوؤں میں شامل ہو۔